Боите, дезените, формите, како и стилот на уредување, го отсликуваат не само вашиот вкус, туку и вашиот карактер, па дури и расположението. Основната поделба е на четири типови на личности, меѓу кои секој може да се пронајде.
Традиционален тип
Ќе го препознаете по удобноста со која вдишува нејзиното животно катче, смирените бои и класичниот мебел. Предност им дава на практичните работи кои имаат вредност поради материјалот или историјата, честопати посетуваат антикварници. Сака мебел од полнето дрво, а од детали – семејни фотографии во украсни рамки, драперии, рустични лустери и ѕидни ламби. Најпријатно се чувствува кога е опкружен со пастелни нијанси, затоа домот е во бела, кафеава, беж , теракота (ќерамида) и нежно зелена боја. Многу им е важно да имаат простран дневен престој и голема гарнитура за седење, бидејќи сакаат во својот дом да угостат бројни пријатели.
Бунтовен тип
Веднаш ќе го препознаете по необичниот дом, мебелот и деталите, како и неочекуваните решенија во просторот. Сака да експериментира, да собира разни ситници, посебно сувенири од патувањата, а потоа да ги вклопува во целина која само нему му е хармонична. Никогаш не ги следи трендовите во уредувањето, најмногу му одговара мешавина на стилови. Сака се што е необично, од материјали до метал, пластика, попрво хартија отколку дрво, а боите му се инспирација и затоа секогаш се енергични. Секое парче во домот на бунтовникот има своја приказна и привлекува погледи. Најмногу го инспирира уредувањето на купатилото, терасите и ходникот, токму затоа што повеќето луѓе им посветуваат помалку внимание од останатите простории во домот.
Романтичен тип
Романтичната душа, без разлика дали е маж или жена, најмногу внимание во домот посветува на спалната соба, кујната и купатилото, бидејќи овде најмногу престојува. Тоа му се оази на мирот и затоа се карактеризираат со бројни ситници кои го потсетуваат на убавите моменти во минатото, љубовта и среќата. Жените почесто припаѓаат на овој тип отколку мажите, тие во уредувањето форсираат црвени или розови бои, срциња, цветни мотиви, разни декоративни предмети и нежни ткаенини. Мажот романтик ги чува старите грамофонски плочи, омиленото ќебе од детството и ситници кои го потсетуваат на бившата и сегашната љубов.
Модерен тип
Секогаш знае што е во тренд и домот го прилагодува на тоа, така што делува како излог од продавница за мебел. Се е во совршен ред со извесна доза на луксуз, сака минималистички стил. Од боите се ограничува на две, три нијанси со кои го опремува целиот простор и на тој начин прави хармонична целина. Најчесто, основата е бела, црна, сребрена и во деталите црвена боја, светло портокалова или виолетова. Не сака сувенири и декоративни ситници во домот, како ниту цветни дезени. Избира мебел со чисти линии од модерен материјал, штоф и вистинска или еко кожа. На прозорците нема завеси, но затоа има посебна инспирација за ѕидовите кои ги украсува со тапети, графити или полици.